Адукацыйныя семінары і лекцыі

Калі падыходзіць гэты фармат

Калі трэба ахапіць шмат людзей, пазнаёміць каманду з тэмай або пачаць размову пра псіхалагічнае здароўе ў кампаніі, дзе раней пра гэта не гаварылі. Семінар не замяняе навучання навыкам, але здымае галоўны бар’ер — уяўленне, што псіхалогія гэта нешта цьмянае і неабавязковае.

Тэмы

• Стрэс: што гэта насамрэч. Фізіялогія стрэсу, навошта ён патрэбны і дзе праходзіць мяжа, за якой ён пачынае замінаць.
• Выгаранне. Як адрозніць стому ад выгарання, якія працоўныя ўмовы яго ствараюць і што можа зрабіць кіраўнік.
• Трывога і нявызначанасць. Як каманды рэагуюць на змены і як падтрымліваць працаздольнасць у перыяд нявызначанасці.
• Міфы пра псіхатэрапію. Што даказальная псіхатэрапія можа і чаго не можа; калі супрацоўніку варта звярнуцца да спецыяліста.
• Усвядомленасць без містыкі. Што паказваюць даследаванні mindfulness і як убудаваць практыку ў працоўны дзень.
• Асертыўнасць і межы. Як гаварыць «не» і абмяркоўваць складанае, не руйнуючы адносіны.

Арганізацыя

Працягласць — ад 60 да 120 хвілін, уключна з пытаннямі. Фармат — афлайн у Варшаве або анлайн. Абмежаванняў па памеры групы няма. Тэму можна адаптаваць пад сітуацыю ў кампаніі — для гэтага дастаткова кароткай размовы перад падрыхтоўкай.